KASAYSAYAN NG LIGID-TIPAS

Sa buong bayan ng Taguig, may nag-iisang pinakamalaking Barrio simula pa noong panahon ng Kastila hanggang pumasok ang Republika at ito ay ang Barrio ng Tipas.  Hinati-hati ang barriong ito sa apat na barangay at isa rito ang barangay LIGID-TIPAS.

Noong panahon ng kastila ang tanging hanap buhay ng mga taga Ligid-Tipas ay ang pagdaragat at pagsasaka.  Sa pamamagitan ng hanapbuhay na ito, pinagsumikapan nilang mapag-aral ang kanilang mga anak.

Sa matiyagang pagsusumikap, sa barangay Ligid Tipas, nagmula ang kauna-unahan Kapitan Munisipal ng Pamahalaang Bayan ng Taguig sa katauhan ni Ginoong Agustin Rayos del Sol.  Ditto rin nangaling si Dr. Juanito Natividad na naging Direktor ng pinakamalaking Hospital sa buong Bansa at gayon din si Gen. Arsenio Natividad na Heneral ng Constabularya, na dahil sa katapatan sa tungkulin ay naging Punong Bayan ng Tagaytay City noong siya ay doon nanirahan.

Noong panahon ng Hapon, marami ring mga magigiting na lalaki ang namatay dahil sa pagtatanggol  sa bayan.  Tanging bantayog na lamang ang naiwan nilang ala-ala ang makikita sa Plaza Bonifacio sa harap ang Simbahang katoliko.

Nang maging Republika na ang Pilipinas, isa na naming taga Ligid-Tipas ang naging Punong Bayan ng Taguig sa katauhan ni G. Monico C. Tanyag na nanungkulan ng mahabang panahon sa ating bayan.  Sumunod sa kaniya ay si G. Levi B. Mariano.  At ikinararangal din naming banggiting na maging ang ating PUnong bayan sa kasalukuyan na si Inhinyero Rodolfo P. de Guzman ay nagmula rin sa angkan at lahi ng mga taga Ligid-Tipas.