KASAYSAYAN NG MAHARLIKA VILLAGE

Sa hangarin ng noo’y Pangulo ng Pilipino Ferdinand Edralin Marcos na magkakaroon matibay na ugnayan ang mga Muslim at Kristiyano sa Pilipinas, ay nagpalabas siya ng Pampanguluhan Utos Blg. 1217 na nagtatadhana na paghandaan 37.7 ektaryang lupa sa nasasakupan ng Fort Andres Bonifacio at pagbabakod nito upang maging pamahayan ng mga Muslim na naninirahan sa Kalakhang Maynila. Ang batas na ito ay nagkabisa noong ika-3 ng Enero 1973, na sinundan ng Liham-Tagubilin (Letter of Instruction) Blg. 142 ng ika-30 ng Oktubre 1973 na nagtatatag ng Lupon Pampangasiwaan sa Maharlika Village. Ang mga kagawad nito ay sina Kalihim-Tagapagpaganap Alejandro Melchor – Taga – Pangulo Gen. Romeo Espina – Puno ng Estado Mayor-Sandatahang Lakas ng Pilipinas (AFP) Col. Jaime A. Venayo – OIC ng Tanggapan sa Pagpapabahay at paglilipat.

Sa simula, ang pamayanang ito ay tinawag na Muslim Village. Ang Moske ay pinamahalaan ng National Housing Authority. Nagsimula ang lahat ng pagawain ditto noong ika – 31 ng Hulyo ’75.

Ang Maharlika Village ay itinatag upang maging isang “ modelong pamayanan” ukol sa mga Muslim sa Kalakhang Maynila. Ang mga Muslim sa kalakhang Maynila ay nakakalat at walang palagiang pook tahanan, kaya ipinasiya ng pamahalaang Marcos na magbukod ng isang malaking bahagi ng Fort Bonifacio upang pagtayuan ng kanilang tahanan. Ito rin ang pook na magiging sentro o lunduyan ng lahat ng uri ng Muslim, Tausog, Maranao, Maguindanao, at iba pa upang sila ay magkaisa, magkaugnay at makroon ng sariling “kaanyuan” na magpapalakas sa kanilang kaisahan.

Noong Disyembre 1982, ang Maharlika Village ay mayroon ng 281 angkan o 1,686  na mga mamamayan mula sa iba’t-ibang tribu ng mga Muslim gaya ng Tausog, Ayakan, Maranaw, Maguindanao, Samal at iba pang Muslim.

POPULATION DYNAMICS / HOUSEHOLD SIZE: