BRGY. OFFICIALS (2007-2010) Contact No. 642-0970
De Guzman, Arsenio Cagalingan
Brgy. Chairman
Brgy. Kagawad	Ulanday, Suranie G. Cruz, Antonio Garcia Cruz, Eduardo De Guzman Aquino Jr., Jaime Ramirez Francisco, Florante Vicente Lacsina, Edgardo Santos Arriola, Jerick Bravo
SK Chairman	De Guzman, John Carlo C.
SK Councilors	Bulandus, Don Tyrone G. Ison, Querubin L. Mendoza, Michael John R. Billon, Thea Alasandra M. Auro, Christian M. Amistad, Robelyn L. Malte, Richelle A.
Brgy. Secretary	Flores, Rodolfo A.
Brgy. Treasurer	Candaza, Maila T.

KASAYSAYAN NG TUKTUKAN

Ayon sa pagsasalin-saling nagsasalaysay ng mga iginagalang na katandaan sa barangay na ito, ang pangalang Tuktukan ay nagsimula noong ang ilog na naglalagos sa nayong ito ay galing sa Lawa ng Laguna at humahantong sa bahagi ng ilog Pasig sa dakong Buting ay sakdal linis at linaw na naging paboritong labahan ng maruruming damit ng mga kababaihan.

Dahil sa kalinisan ng mala-kristal na tubig at sa kagandahan ng tanawin, ang pook na ito ay naging tagpuan ng maraming mga taong nanggagaling sa mga karatig-nayon upang ang kanilang maruruming damit ay linisin at tuktukan sa pamamagitan ng paghampas ng malalaking bato na dinadaluyan ng matuling agos ng tubig. Ito ang pamamaraang ginagawa noong araw upang linisin ang maruruming damit.

Naging pangkaraniwan ng tanawin na kaalinsabay ng nagbubukang liwayway ay makikita ang langkay-langkay na kababaihan na bitbit ang mga batya’t palo-palo patungo sa pook na ito upang magtuktok ng maruruming damit. Kaya’t naging palasak na sa mga kababaihang naglalaba na itagubilin sa kanilang mga kaanak na sila ay patungo sa “Tuktukan”.

Dinala ng nayong ito ang pangalang Tuktukan na sumasagisag sa isang mabilis na pamamaraan ng paglilinis ng damit na araw-araw nating isinusuot sa ating katawan.

Ang naging dahilan kung bakit sa kabila ng maralitang pinagmulan ng mga mamamayan ng barangay na ito, ay buong bilis na pumaimbulong sa rurok ng tagumpay, ay sapagkat dito isinilang at naninirahan ang mga dakilang mamamayan na nagbigay ng ningning at karangalan sa kasaysayan ng ating bayan.

Sa ngayon, ang mahigit na isang libong pamilyang naninirahan sa barangay na ito ay nawang mga Katoliko. Isang munting kapilya na masinop na inaalagaan ng mga mamamayan ang tahanan ng kanilang Pintakasi, patrong San Bartolome, isa sa mga dakilang martir at apostoles ng ating panginoong Jesukristo.

Ang barangay Tuktukan, na siyang kinatatayuan ng pamahalaang bayan, punong himpilan ng pamatay-sunog, lying-in at Health Center at iba’t ibang gusaling pang-lokal at pang-nasyonal ay mayroong sukat na humigit kumulang sa tatlumput isang ektarya lamang. Dito rin matatagpuan ang isang bago at modernong sabungan, pinakamalaking pagamutang pribado at mga malalaki at mumunting bahay kalakal na sumasagisag sa pagiging sentro ng kalakalan s adakong ibaba ng bayan ng Taguig.

POPULATION DYNAMICS / HOUSEHOLD SIZE: