BRGY. OFFICIALS (2007-2010) Contact No. 839-2296/837-7174
Dela Peña, Myrna Minglana
Brgy. Chairman
Brgy. Kagawad	Carreon, Queen Dolly Pun-an Valencia, Loida Flavier Tresvalles, Gemma Osano Abila, Pablito Banasihan Khusin, Delia Gratil Adante, Benjamin Delatado Roldan, Rosario Caberio
SK Chairman	Bustos, Janine D.
SK Councilors	Yanson, Kenneth M. Barlovento, Chris Dexter L. Segador, Julius A. Castro, Venadik M. Fronda, Donna Anne Q. Carreon, Isagani S. Villanueva, Mary Aljhunnie G.
Brgy. Secretary	Boco, Nemia E.
Brgy. Treasurer	Francisco, Grace G.

KASAYSAYAN NG UPPER BICUTAN

Noong 1909, ang Bicutan ay isang lupang napapaligiran ng Pamahalaang Bayan ng Pasig, Taguig, at Parañaque. Ito ang panahon na ang Lunsod ng Pasay ay hindi pa lupang pangsakahan/agrikultura. Ang malaking bahagi nito ay nasasakupan pa ng Fort William McKinley. Pinalakas ng Proklamasyon Blg. 423 na pinirmahan ni Carlos P. Garcia noong Hulyo 12, 1957 ang pagkakahawak ng military sa lupa dahil nakasaad dito na ang nasabing lupa ay inilalaan para lamang sa mga military.

Dahil sa pagdating ng mga mamamayan pati na ang Pamahalaang Bayan ng Pasig, Parañaque at Taguig sa pamahalaan na huwag isama ang Bicutan sa mga lugar na nakasaad sa nasabing Proklamasyon, pinirmahan ng dating Pangulo Diosdado Macapagal ang Proklamasyon Blg. 246 na hindi isinama ang Bicutan sa operasyon ng Proklamasyon Blg. 423.

Dumami ang nagbigay ng kanilang aplikasyon para makakuha ng sariling lupa ng malaman nila ito. Natapos ang mga papeles ng nasabing lupa taong 1964 at sa unang bahagi ng taong 1965 ay naglipatan ang mga karapatdapat na mamamayan sa kanilang sariling lupa.

Ang dating bakanteng lote ay napuno ng mga bahay at naging isang masayang komunidad. Bago natapos ang taon, ang populasyon ng Bicutan ay hindi bumaba sa 3,600 pamilya. Unti-unti’y naglitawan ang mga suliranin gaya ng kawalan ng paaralan ang mga bata sanhi ng kalayuan ng lugar sa sibilisasyon. Ngunit hindi naging hadlang ang ganitong suliranin kaya’t noong Hulyo 16, 1966 nagpatayo ang mga mamamayan ng gawa-gawang paaralan para lamang makapag-aral ang kanilang mga anak. Naitayo ang paaralan sa tinatawag na bayanihan.

Ngayon ay nakatayo ang Paaralang Elementarya ng Bicutan sa gitna ng pagkakaisa ng mga mamamayan sa iisang layunin na paunlarin ang kanilang komunidad. Kaya sa ganitong simulain maraming proyekto ang ginawa ng mg tao, pati na ang paglulunsad ng iba’t ibang proyektong makakalikom ng sapat na halaga para maipagawa pati na ang simbahan.

Ang Sangguniang Barangay ng Upper Bicutan sa ilalim ng pamamahala ng kapitan ng Barangay, G. Venancio T. Osano, ay nakita ang pakikibaka ng mga mamamayan para sa ikabubuti ng komunidad lalong lalo na ng mga kabataan kung saan ang pag-asa nila ay nakasalalay.

Ang pagkakaisa ng mga mamamayan ay nagkaroon ng mabuting resulta, nagkaroon ang pamayanan ng isang malaking tangke ng tubig, isang paaralang elementarya at ilang sementadong kalsada, pati na ang pagkakaroon ng elektrisidad na kung saan ang lahat ay nakikinabang.