State of the City Children Address


Tiniyak ni Taguig Mayor Lani Cayetano na magtutuluy-tuloy ang mga ipinatutupad na reporma sa sektor ng edukasyon upang lalong maisulong ang kapakanan at interes ng kabataan.

Ito ang naging tugon ni Mayor Lani sa mga alalahanin at hinaing ng mga mag-aaral na kumatawan sa kabataang Taguigueño sa katatapos na State of the City Children’s Address na may temang “Komunidad at Pamahalaan Magkaisa, Pang-aabuso sa Bata Wakasan na!” na ginawa sa The Lakeshore Tent sa Lower Bicutan Taguig.

Kabilang ang pang-aabuso, pagmamalabis, at paglabag sa kanilang mga karapatan ang mga bagay na nais matuldukan ng kabataan .

Sa kanyang talumpati inisa-isa ni Mayor Lani ang mga matagumpay na programa sa sektor ng edukasyon sa pangunguna ng L.A.N.I. Scholarship Program na bumago sa buhay ng maraming pamilyang Taguigueño.

Inilahad din ng alkalde ang mahusay na ugnayan ng pamahalaang lokal at ng Department of EducationTaguig and Pateros dahilan kung bakit nagkaroon ng matibay na programa kontra bullying at ang pagkopo ng Taguig sa titulong No. 1 sa National Achievement Test sa National Capital Region.

Kasabay nito, ibinalita rin ni Mayor Lani na mas ligtas na ang mga lansangan ngayon dahil naaresto na ng Taguig Police ang Top 10 Most Wanted Drug Personalities ng lungsod na itinuturing na malaking tagumpay laban sa salot na droga.

Taun-taong ginagawa ang State of the City Children’s Address alinsunod sa mandato ng Republic Act 10661 na kilala rin bilang National Children’s Month Act.

SEE PHOTOS HERE: State of the City Children’s Address


Taguig City Hotlines

Taguig City Hall 555- 7800 Police Taguig Mobile Patrol 0921-7221972
Fire Department at City Hall 642-9982 Public Order & Safety Office 642-1261
Fire Department Taguig Central 837-0740 / 837-4496 Taguig Environmental / Solid Waste 642-7557
Fire Department at FTI 837-4496 Traffic Management Office 640-7006
Lake & River Patrol 628-1377 Taguig-Pateros District Hospital 837-8132
Office of Social Welfare & Development 555-7919 Taguig City Rescue 0917-5503727
PNP Taguig / COP 642-2060 Taguig Emergency Hotline 165-7777
Tactical Operation Center Police 642-3582 Taguig Command Center 789- 3200
Police 117 / Emergency 1623 Doctors-On- Call 0917- 8210896